嘟嘟嘟嘟……最喜歡Cheap嘢的Cheaperman又收到外星訊號，隊長安排他前往人多車多的旺角，尋找一處每日只開放兩小時的購物秘點。Cheaperman自問在旺角不知留下多少腳毛，但隊長所講的「秘點」究竟在哪裏？隊長告訴Cheaperman，秘點就在界限街附近，名稱是「天光墟」。於是，Cheaperman於凌晨四點半去到界限街，之後在旺角球場及界限街一帶轉了好幾個圈，更覺有幾陣陰風吹過，嘩！
眼前出現奇景
正當Cheaperman猜度隊長是否以找尋天光墟為名、考驗其膽量為實之際，說時遲那時快，竟然有幾部貨車劃破四周的寧靜，急速煞車兼開始落貨，同時，Cheaperman身後又突然出現十多個圍攏睇熱鬧的街坊，難道這就是隊長口中的天光墟？幸好Cheaperman天生膽大過地球人，否則眼見如斯詭異的情景，一定嚇親！之後不少貨車都陸續出現，而一車車貨物擺放在街上，成個「墟」就成形了。
買魚必備電筒
原來天光墟太早係未開，他們每日只會由五點半開到七點半，由於時間寶貴，Cheaperman立即遊覽一番，發現這裏所售賣的貨品全部都係魚或相關物品，而魚的種類簡直多不勝數，而且全部一袋袋包好，仲明碼實價添！八卦一輪後，Cheaperman打聽到天光墟的小販，絕大部分由魚場直接攞貨到此，然後讓金魚店的買手入貨，所以價錢全部屬批發價，而Cheaperman仲有一個發現，就係買手會帶備電筒去照魚，聽講魚愈跳紮紮就愈生猛，下次嚟入貨都要帶番支電筒啦！
欣賞可愛寄居蟹
值得一提，在天光墟賣的紅蟲非常生猛，而購買的朋友都是一斤一斤咁買走架！此外，Cheaperman更發現近來寵物界相當流行的迷你龍蝦及寄居蟹，睇真啲，寄居蟹非常可愛，搞到Cheaperman都想養番幾隻！至於天光墟還有甚麼特色，記住Click入ontv生活台睇吓啦！
網址：tv.on.cc