何基佑（Kay）又表演魔術？莫非繼震驚大家的「450度魔術斷手」網上短片後，再接再厲玩凌空煮飯？非也非也，只係Kay去到新餐廳THE PANTRAY，見到All Day Breakfast竟然用鐵Pan上枱咁過癮，即興扮拋鑊啫。不過講到真煮飯，Kay笑說：「食好過煮啦！」說罷即埋首開餐了。

這間西餐廳THE PANTRAY，其實是著名食店THE STONEGRILL的姊妹店，今次齊齊來到銅鑼灣，即分佔上下兩層開業，主攻不同食客。

All Day Breakfast $98特別用生鐵煎Pan上枱，夠晒熱辣辣；還可從九款食物中自選六款，像Eggs Benedict、香腸、火腿、番茄及煙肉等，配杯咖啡好醒「晨」。	Catch Catch $98比目魚質感嫩滑，蘸了啤酒脆漿香炸，特別外脆內嫩，還不會像一般的油膩，記得要試自家製的粗薯條及他他醬，Kay就食到停不了口。	Deluxe Bite Burgers $148近年勁Hit的漢堡愛鬥大，這裏偏偏小而精，三種口味包括和牛、法國鵝肝及三文魚，食晒都不算過分。

全日餐牌隨時食

位於地舖的THE PANTRAY，一看裝修布置便知走Causal Dining路線，木枱櫈、紅磚牆，加個開放式廚房，親切感滿瀉。餐廳還有兩張大大的、可容納八至十二人大枱，最啱同朋友來飯敍，自成一國，人少少又可搭枱，真的很Home Feel。餐廳全日無休，還提供All Day Menu，夜一夜都可以歎早餐。Kay表示：「呢類餐廳幾好㗎！唔使睇住時間嚟食同點菜。而且見個餐牌選擇唔多，簡簡單單咁，令人覺得餐廳專心做好出品，食客信心都大啲。」自認為食的他，果然對食有個人見解。

Live Mussels $248每桶約有1kg，選用細細粒的澳洲青口，飽滿無渣，以白酒、蒜頭、洋葱及忌廉等炮製的醬汁燴煮。Kay最愛這道菜，非常惹味，醬汁還可用來點麵包食。	餐廳走Causal Dining路線，布置以木枱櫈配紅磚牆，看得舒服，還有兩張容納八至十二人的大枱，就算跟人「搭枱」也能各適其適。	何基佑

獨特盛器有心思

別真的被餐廳的Causal「蒙騙」，其實店方在細節位亦花過心思，如名字THE PANTRAY取材自食物盛器，例如All Day Breakfast的生鐵煎Pan、Deluxe Bite Burgers的木砧板及Catch Catch的「冰鏟」等，全都是特別搜羅的，為食物添上不少賣相分。Kay一見到亦大讚：「食物賣相靚，真係會覺得開心啲，相反如果味道好，但賣相唔得，好容易會令人錯過。」情況或許就如Artist般，有才華都要識包裝、推銷自己，才容易有演出機會，喜歡在不同渠道跟大家見面的Kay，當然明白這個道理了。

何基佑近況

擔任多個節目主持，在巴士、電視台、手機及網上電視台等繼續跟大家見面，稍後會推出一本散文集《坐在檸檬樹下》及參與舞台劇《U-turn》的演出。

大廚的堅持

一碟餸好唔好食，有好多原因，例如選料、廚師手藝、烹調方法等等，亦可能跟煮食爐有關。THE PANTRAY選用的坑紋烤爐，是大廚輝哥堅持使用的，因它用明火煮食，火力平均，易操控，還會帶出燒烤的香味，即使要特別花費加裝灑水系統，但出品質素好，點都值得。

查詢：2808 1148