Q：胎壓高啲會慳油？

A：有啲車主專登將胎壓打得比標準高，令輪胎變得脹咗，輪胎表面與路面嘅接觸面就會變細，簡接令耗油量減低，不過呢種做法存有一定風險，就係接觸面細咗，抓地力自然相應下降，失控嘅危險性自然增加，為慳油而搵命博，梗係唔鼓勵啦！相反嚟講，胎壓比標準低，輪胎會更貼路面，過彎都冇咁易甩，但係會用多咗油。所以最佳做法，都係跟足車主手冊嘅胎壓指示，唔好亂咁改。