Dennis在訪問的過程中，提過幾次創業的「過癮」心情，「你問我，做Start-up辛唔辛苦？做ShowMuse辛唔辛苦？我可以話係好辛苦，不過我覺得好過癮！」而且，要創業，就是要跟時間競賽。

ShowMuse找來名人、明星分享品酒以至學習瑜伽等知識，吸引一眾粉絲。

經歷過人生的低潮，Dennis的心理質素非常高。「我好相信，只要你跨過人生嘅最低潮，下一個迎接你嘅就係人生嘅最高潮！」他經營ShowMuse，最沮喪時會跟自己說，「好彩我之前面對過癌症，如果唔係，都唔知點過。」

「唔輸得」是成功關鍵

ShowMuse是他開創的第三間公司。他曾開設廣告公司，「頭半年一單Job都無，我淨係識戇居居咁守落去！」幸好當時堅持住，其後接二連三接到工作，收入已是以前半年的薪酬。

「唔輸得」的性格是創業的成功之道。他憶述開廣告公司時，「間公司由零做起，人哋點會信你，好難攞生意！我試過同個客講，你唔洗同我簽約，我自己出錢做。收本地嘅價錢，做到4A質素嘅嘢。」他笑指，當客人不好意思，多次免費拿你的創意自用，便會記得你，有需要就會找你。就此，他成功與一家國際著名公司合作，客源不斷增加。