參加過投資比賽，會增加入投行的機會？瑞信香港認股證及牛熊證銷售主管何啟聰（Ivan）指，「如果畢業生參加過模擬投資比賽，即係話對金融市場有認識，應該會幾吸引僱主。」同時亦展現出同學擁有良好的邏輯思考及快速學習能力。

何啟聰表示，在學時參加過類似比賽。

他又指，如果同學們在投資比賽中有參與編寫程式，僱主應該會對他們再加分，「因為喺工作上，我哋好多時都要專研新嘅投資方法，如果你有一個諗法，仲識寫個程式表達，咁你同老細推介嗰時，就可以用實際嘅數說服老細，老細應該會好鍾意！同埋亦都唔洗求人幫你寫，咁咪一舉兩得！」

僱主重視工作熱誠

不過，參加過投資比賽，並非等於獲得直入投行的門票，Ivan坦言，僱主仍要考慮應徵者的個性、面試表現及對該份工作的熱誠等。他更指出，真實的投資跟模擬投資體驗是有差別，投資的心理及方法都不同，所以投資比賽成績的參考價值可能並不高。

Ivan分享他在學時參加類似比賽的原因，「因為讀書嗰陣，本金有限，但又好想證明自己嘅投資技術，所以就玩吓！」