大埔居民Gigi是今期Young Home主角，讀演藝學院出身的她，因尚在求學，直言「買樓太遙遠喇！覺得自己暫時都無能力負擔到。」不過未雨綢繆不是壞事，Gigi若將來想住大埔、又想揀居屋的話，市中心的指標居屋大埔廣場，日常消閒相當方便，「啱晒」Gigi後生細女，樓價回調不少，自由市場入場費約360萬元。

大埔廣場全屬兩房間隔，單位實用面積多由三百餘方呎起。

Gigi表示，想在大埔置業，並鍾情居屋。

Gigi理想Dream House

每月供款例子

一身跳舞Sporty Look的Gigi是演藝學院學生，工餘時有教其他學生跳舞賺外快，不過講到買樓就耍手擰頭說，「無乜留意個樓市，主要因為而家樓價太高，買樓太遙遠喇！覺得首期好難儲得到，根本唔可以喺呢幾年之內上到車。」

消閒交通配套齊

Gigi又稱，「就算減價對我嚟講，樓價負擔都仲係好重，唔夠錢會租樓住；如果買樓會想揀番大埔，因為住慣住熟，比較鍾意呢度嘅生活環境。我鍾意居屋，樓價平啲又實用，最好住番市中心吖，行街買嘢方便啲！」

大埔區絕對是Gigi的「地頭」，要住回基本的生活圈不是難事，坐落大埔市中心的「居屋王」大埔廣場更是無得輸之選。

同時，屋苑附近有多個大型商場接連，離大埔超級城更少於五分鐘步程，最「啱」後生女Gigi去Shopping及日常消閒，加上食肆又夠多，而屋苑對面更有巴士總站，日常來往九龍區的巴士專線齊全，出入市區「點到點」方便至極。

全數兩房 保養佳

大埔廣場樓齡偏舊，約三十年，不過無論屋苑設計及間隔，均接近私人屋苑格局，保養不俗。屋苑最大賣點為全屬兩房間隔，普遍實用面積約300餘方呎起，加上居屋設計實用率高，無窗台，受上車客追捧。