港股農曆新年假期休市期間，外圍股市急挫，散戶普遍對昨日港股「追跌」已有心理準備，個別假期前沽定期指，昨日可「食胡」，可惜近期港股疲弱，很多散戶已被「嚇窒」，不敢貿然「撈底」。

致富證券董事總經理李兆豐（右）按照傳統，於港股首個交易日到分行派利是予散戶。

李太說：「個市跌咁多都係平常心，有心理準備，手頭啲貨蝕咁多，放就唔會放，由佢擺喺到。依家港股夾喺A股同美股中間，唔會好得去邊，喊都無謂。」

伍先生說：「預咗港股跌咁多，外圍插咁多，港股點會唔插，平常心面對啦！總之大市升600點就Put，跌800點就Call，無其他玩法。」

蘭姨表示：「依家我個心都淡晒，短線覺得恒指跌到咁多應該無得跌，但我唔撈底啦。」

Captain表示：「新年前見外圍經濟差，估假期後會紅盤低開，所以沽咗期指，好好彩賺咗少少！如果恒指守唔住18,500點，可能會再沽期指。」