農曆新年假前，港股以極疏落成交完成粉飾櫥窗，恒指升105點收報19,288點，可是外圍市況在假期間未如人意，博復市高開的好友，恐怕要先吃點眼前虧。

筆者在本欄已指出，若選擇揸倉渡歲，一要賭美國上月就業數據，再要博華爾街一連幾日平穩過渡，對處於捱打的好友並不划算。結果美國非農職位增長未符預期，經濟復甦轉疲成焦點，引發急挫，以周二晚港股預託證券收市價計，今日復市恒指有機會大幅裂口開低，以昨傍晚新加坡場外莊家開價，指數輾轉跌至18,600點邊緣。

走勢上，恒指上周低位18,764點不宜有失，否則再試低位機會增加。暫時未知周三晚美股能否回穩，今日是否趁裂口開低博即市反彈，18,764點（期指18,733點）守得住與否相當關鍵。當然，對比持倉過市，今日博入好倉風險相對減低，可以睇位小注一試，失守上月低位18,534點止蝕。