這六位科大學生都專注學業，且有不少實習經驗，亦愛研究股票。能找到志趣相投的朋友實在不易，他們當初如何相識？Jonathan指，「讀同一間大學，上同一堂，見到Peter會上堂研究股票，所以就主動去識佢！」。

SMITT的fb專頁，成功吸引不少捧場客。

Sam自信地說，「我哋好勤力，成日都埋首喺圖書館溫書，見得耐就熟咗！」接着一個介紹一個，便組成這六人投資小隊。

Jonathan稱，「由上年初大家一齊參加模擬投資比賽開始，我哋已習慣每朝起身等開市，睇指數、股票，然後喺WhatsApp傾下即日股票走勢，睇吓有無賺錢機會，順便交換心得。」

興趣使然 不怕辛勞

去年四月股市的大升浪，他們WhatsApp群組當時有人高呼「我賺到錢」，其他組員打趣說「股神？」大家當然想有錢齊齊賺，但最重要是他們覺得彼此都好投契，所以決定由線上對話，延伸到設立專頁。

學生最怕遇上搭順風車的組員，令自己工作量大增，但這六位大學生卻能合作無間，全因他們真的愛投資。Peter坦言，「因為係興趣，我哋先至會幾忙都照寫。」他們亦自學投資，有時更主動找在職師兄教導分析技術。