講到湊仔，原來三位財圈超人爸爸都有板有眼！

幫BB沖涼一take過

上月，準爸爸蘇沛豐（Daniel）接受我哋嘅家訪。任務係要佢示範幫BB沖涼，一手包辦幫個BB公仔除衫、洗頭、沖涼、着衫到換尿片。睇落Daniel好似唔係好熟手！

不過，佢清楚每個步驟，知道洗完頭要即刻抹乾，先可以沖涼等。好啦！今次考驗合格！訪問後四日，佢個BB就出世喇！

教囡囡寫揮春拜年

林家亨（Simon）接受嘅考驗係要教囡囡Hailey寫揮春。但Hailey只有三歲，連硬筆都唔識揸。最後Simon惟有捉住佢隻手寫，Hailey中途仲悶到不停打呵欠！之但係，無理由咁快就畀Simon跨過今次考驗，所以叫佢教Hailey讀揮春上面的恭賀說話。Hailey好聽話，仲中氣十足咁祝大家猴年，「新年進步」、「大吉大利」！

同囝囝講故事唱歌

今次為咗考驗吓譚朗蔚（Stevan），就畀個任務佢，要佢同囝囝講故事同一齊唱歌。

佢講故事講得幾生鬼，吸引到囝囝好留心咁聽。去到唱歌環節，起初囝囝望到啲雀仔，擔心雀仔會跌落公園嘅水池，冇晒心機，但最後Stevan都成功氹到佢一齊唱咗幾句「Twinkle Twinkle Little Star」。

各位不妨瀏覽tv.on.cc按財經，睇吓三位至叻爸爸教理財，啱睇畀個Like！