財圈「至叻爸爸」教儲利是錢

南韓綜藝節目《我的超人爸爸》熱力席捲亞洲！其實香港金融界亦有不少至叻爸爸，既懂得貼身照顧他們的小寶貝，亦善於利用投資智慧為下一代創造超級財富。趁着新春檔期，至叻爸爸親身挑戰湊仔技術之餘，更從利是錢出發，分享錢搵錢的理財藝術。

蘇沛豐表示，日後會讓囡囡從經驗中學習理財之道。

林家亨直言教囡囡寫毛筆字難度甚高。

譚朗蔚（右）稱，會從日常生活中教導兒子對金錢的概念。

從利是錢出發，以投資智慧為下一代創造財富。（設計圖片）

招銀蘇沛豐：開投資戶口攻股債

招銀國際証券研究部策略師蘇沛豐（Daniel）剛榮升為父親，囡囡都未滿月就迎新年，逗到人生第一封利是。Daniel預計囡囡每年的利是錢約三千多元，那他會否已幫囡囡開戶口儲錢？他稱：「未呀！暫時唔會。囡囡剛出世都無『錢』嘅概念，所以頭幾年，囡囡啲利是錢梗係據為己有喇！」

待囡囡長大一點，Daniel便會告訴她利是錢的背後意義，「新年係中國人最大嘅節日，而長輩畀利是小朋友，係想祝福佢哋快高長大。」屆時，便把利是錢當作囡囡的零用錢吧！

Daniel計算過，由囡囡出世開始至完成大學學位，投資在她身上的，包括生活費及高中後到外國半工讀等的費用，應該需要約200萬元。他又如何準備這筆開支？Daniel指，「我無諗住幫囡囡買兒童教育基金，我覺得自己投資，啲錢就可以更加靈活調動。」

相比退休儲蓄的投資，他認為供子女讀書的要更加穩健，「如果講退休，至少係二十年後的事，就算股票摸頂，都可以等谷底反彈；但係仔女去外國升學，只係十幾年後嘅事，投資唔可以太博！」

他打算一年後，開立一個新的投資戶口，專為囡囡未來讀書儲錢。他會為囡囡主力投資債券外，亦會發揮股票策略師的強項－揀股投資，他打算買入一些較穩陣的股份，當中包括長和（00001）及領展（00823），他指：「雖然領展會受樓市等外圍因素影響，但佢嘅股價走勢較易推測，應該係長線之選。」

他指，若準爸爸媽媽是投資新手，投資資產配置宜均衡，例如30至40%債券，以及60至70%股票，並嚴選低風險股份及低息但信貸評級高的企業債。

Daniel也想囡囡生性。他說：「會從小灌輸量入為出的理財概念給囡囡，我諗佢三、四歲就開始識問我攞錢買糖，開頭我會先觀察佢點用錢。如果佢一早就將零用錢使晒，咁佢就要嘗吓無錢使嘅教訓。我亦會試吓借錢畀佢，然後收番息。」

恒發金融董事總經理林家亨（Simon）有兒又有女。囡囡（Hailey）今年三歲，囝囝（Jaeden）兩歲，親戚朋友派利是都特別爽手。Simon指，二人過去平均收到四千至五千元，估計今年利是錢有增長，加至八千元！

囝囝、囡囡的利是錢統統存入媽咪的股票戶口，「因為佢哋啲利是錢儲埋儲埋都唔叫好多，買大價股有機會一手都買唔到，所以會放埋入去媽咪的股票戶口一齊投資。」他指，最近有為仔女追入新股智傲控股（08282）。一來就買創業板新股，呢位超人爸爸的儲錢之道果然與別不同。

另外，他眼見港股早前急挫，已有全盤計劃，訂立優質股名單，一旦股價跌至目標價，就會幫仔女即刻買入。「資金唔係好多，所以長揸穩陣股票，如中國人壽（02628）跌穿19元、交通銀行（03328）跌到4.5元、騰訊控股（00700）等到120元都會考慮買入。」

Simon亦為仔女投資儲蓄人壽保險，每人年供近6萬元。「儲蓄人壽保險當係教育基金，到十八歲時，每人可以拎番有100萬元，用嚟供佢哋讀大學。」

他又說：「佢哋暫時對錢銀無咩理念，只係知道有錢就可以買嘢。平時我會同佢哋唱歌仔，好似以前有銀行的儲蓄歌仔，『小莫小於水滴，漸成大海汪洋』，教佢哋積少成多、儲蓄理念。」

富昌金融研究部總監譚朗蔚（Stevan）的兒子Kayton只有兩歲半，但這位廿四孝爸爸對於如何幫下一代創造財富，已有全盤大計，並坦言希望將來會幫他置業。

Stevan指，搭交通工具時，間中會叫兒子自己付費，平日亦會告訴他爸爸返工是為了賺錢，有錢才可給他買玩具，令他初步對金錢有一定概念。

新年的時候，他會帶Kayton與香港及內地的親友拜年，上年逗得的利是錢高達1萬元。他表示，會將部分利是錢買一份禮物給兒子，其餘的存入其兒童儲蓄戶口做定期。他說：「一年定期的息率唔係高，但因為目前筆錢嘅銀碼細，之後先做其他投資。」

市場上有唔少儲蓄產品，但Stevan指自己作為貼市的圈內人，會偏好親自為兒子儲盈富基金（02800），並看準時機進出市場，不需要假手於人。他說：「如果要儲股票，我會揀盈富基金，因為佢緊貼大市指數，會比較容易睇，同埋佢包含一籃子股票，波幅較少。」

他認為港股市場上有太多H股，在內地經濟增長放緩情況下，大市長遠難大升，「buy and hold」策略已不太適用；即使是買盈富基金，都要「睇位出入」。