今年股樓匯等資產難逃大跌命運，金融業持續出現裁員消息，睇怕一六年係業界的「苦命年」。快將畢業的大學生不如趁早做定準備，留意專家醒你的面試貼士，等面試時如虎添翼。

周綺萍稱，同學在面試前要了解應徵公司背景。

安俊人力資源顧問董事總經理周綺萍表示，面對市況波動，業界職位空缺集中在有相關經驗或持牌人士，聘請新人機會較少。「以依家市況嚟睇，大家對業界前景有所保留，要等到農曆新年後先見到趨勢，對於今年畢業生搵工嘅情況唔太樂觀。」

熟悉職場添優勢

她指，「金融市場變化好大，雖然公司可能早喺二、三月請人，但市況一旦轉壞，可隨時取消錄取，金融海嘯就出現過咁嘅情況。」

不過，同學們只要做好兩手準備，都可投身金融業。周綺萍稱，面試前要了解應徵職位工作及公司背景，「監控職位就要了解行內法規、前線工作就要反應快，衣着打扮亦特別講究、做分析嘅要緊貼市場變化，對投資議題有認知。」

近期財金新聞日日新鮮，想投身金融業的同學們真係要做定功課。