北角老牌屋苑城市花園以實用見稱，三房樓王戶內籠更足秤，單是巨無霸廳已夠「睇頭」，擺放大型家具隨心所欲，盡顯大宅氣派，現時入場費降至1,030萬元，回到一四年底水平。

城市花園

屋苑點評

城市花園1座E室
實用面積：約807方呎

城市花園苑臨海而建，離英皇道一帶鬧市及港鐵炮台山站又不遠，靜中帶旺，而且商場、會所及停車場等配套齊全，生活便利，難怪屋苑樓齡近三十年仍深得用家捧場。

中原分行高級區域營業經理林龍南表示，城市花園一共有14座大廈，提供2,406伙，主攻三房大單位，迎合換樓客需要，其中樓王戶主要分布1至3座A、B、E及F室，實用面積807方呎，採三房連主人套房設計，而廚房內設工作平台，可用作雜物房，設計實用。

約十放盤 叫價1030萬

這類樓王戶開則好用，最煞食是備有L形巨廳，長18呎，闊超過16呎，加上不設走廊位，擺放大型家具綽綽有餘，氣派十足。三個睡房空間闊落，亦可互相打通，間隔靈活。景觀方面甚多元化，視乎層數望園景，山景或海景。

他續說，過去一年這類樓王戶錄得6宗買賣，其中1座高層F室於去年七月以1,340萬元成交，創同類分層單位新高，實用呎價1.6萬餘元。現時同類樓王戶買賣放盤約10個，入門盤向南望部分山景，現叫價1,030萬元，較去年高位同類做價回落近13%，重返一四年底水平。同類租盤則有2個，叫租介乎30,000元至35,000元。