內地監管當局又再自曝其短，維穩不成，擋唔住A股大媽趁墟掟貨，新推出熔斷機制即日完成壓力測試，昨午後第二度叫停，A股變了半日市。

中港股市共融，是未見其利，先見其害，機構投資者參與為主的港股，與情緒散戶主導的A股互通，結果係點，去年中跌市期間政府暴力救市，港股淪為基金應付贖回的ATM，早就一清二楚。連日強調，不要過信假期前低成交下的乾升，昨基金經理假期回歸，弱底的港股即見真章。

聖誕前，國期兩個月未平倉合約總計突破48萬張創新高，情況值得關注，更多中資南下搵食，加上高頻交易興起，資金流向歷史波幅相對高的國期炒作。假如比較恒指及國指結構，頭七位權重股佔指數比例，國指比恒指集中，且成分股流通市值較細，從大戶角度，套戥或直接以重磅股交易作對撼，國期對大戶較有利。