兩地股市繼續悶局一場，恒指全日高低波幅僅142點，但最終都未能收復22,000點關，只係大市成交得378億元，真係升跌都冇咩啟示。

阿爺明年的重點工作之一，係設法清理內房庫存。雖然呢個大工程具一定難度，但為防範內房爆煲拖累銀行體系，幾難都要去做！為今之計係動員尚未發揮潛力的農村人口入城去購房，以消化庫存，實際做效果如何要等著瞧。但無論如何，呢項發展對內房股而言係好事，特別有利具併購能力的大型內房股，類似華潤置地（01109）及中海（00688），皆可關注。