美國議息前夕，資金選擇唔做唔錯都算正路，昨日滬綜指僅跌0.2%報3,510點，恒指則跌0.1%至21,274點收市。不過，港股已九連跌，加上成交持續低迷，再計及聖誕假臨近，若美公布議息結果後港股成交依舊，大家要有提前放假的準備。

市況個得「悶」字，大價股不動如山，細價股又飄到死，加上Sammi觀察升幅榜中，好多個股都係平日成交疏落之輩，現時只不過乘市靜亂衝一轉，跟炒難度極高，既然值博率唔高，都係先靠邊站，無謂浪費精神同彈藥。