恒指昨跟隨外圍高開100點後無以為繼，收市倒跌32點報22,203點，再睇埋主板成交得658億元，真係悶到飛起。今個月剩低有成交日子唔多，相信今年餘下日子港股都難有突破性發展。

美國聯儲局未正式宣布加息，投資市場已率先「sell in fact」，早前強勢的美元已見回軟，加上中東地緣因素影響，金價以至部分商品突然抽上，昨日就見金礦股起動，其中Sammi就睇中隻中國白銀（00815），貪佢破位不久，且近期成交又回勇，睇怕無咁快炒完，實行投機跟進。