今期Young Home主角是修讀放射學系的大學生Bowie，預計畢業後可找到收入穩定的工作，更想定「未來錢」的比例分配，以便快些儲夠首期上車。Bowie現居屯門，嫌出入不夠便捷，可考慮沙田區，花園城算是區內入場門檻划算的私樓，出入九龍「話咁快就到」，交吉盤350萬元有交易。

Bowie表示，將來想於交通方便的地區置業。

沙田花園城樓齡三十年，保養得宜。

附近酒店有高級食肆。

圓洲角公園環境優美。

小朋友玩樂不愁去處。

乖乖女Bowie坦言，日常生活開支要靠自己，即使有做兼職，留起儲蓄的資金不多。她說：「我讀放射學系，估計畢業後人工相對穩定，而家有諗定人工點用，幾多成拎嚟儲，幾多成用嚟畀家用、其他開支等，儲首期要好好分配先得；但詳細就要實際有份長工至可以計得到。」

沙田河畔地利佔優

她補充：「我住屯門，將來想買方便啲嘅地區，可以慳番出入時間。為咗儲首期，應該會去少啲旅行，可能一年一次啦。」

要穿梭市區便捷，留守新界區未必無得揀，如沙田交通樞紐及社區發展完善，河畔區一帶離市中心及港鐵沙田站稍遠，但較近馬鐵沙田圍站及往來港九的巴士線，地理位置更勝一籌。入場費平易近人的花園城，算是該處較指標的入門選擇。

間隔靈活 窗台較大

花園城分三期共八座物業，樓齡已屆三十年，近年屋苑已分階段完成大堂及外牆翻新工程，內外都算「見得人」。主力供應實用面積約260至350餘方呎的一、兩房單位，缺點是窗台大，實用率六成多，幸好單位間隔算靈活，一房可分間成兩房。

屋苑離港鐵沙田圍站及威爾斯親王醫院僅五至八分鐘步程，行至大涌橋路有小巴或巴士路線往來港九新界，往返中環、尖沙咀及九龍塘都很方便。另附近有餐廳及超市，與沙田市中心則一河之隔，住戶可到新城市廣場商場消閒娛樂一番。