昨日A股無視外圍局勢，滬綜指升0.7%至3,606點收市；相對地，港股昨日跟隨上周五晚美股跌勢而裂口低開，即市幾乎都在低位徘徊，未見太大反彈動力，可見內地與本地資金睇法確有分別。

近排投資者選擇炒股唔炒市，好似隻充電設備股泰坦能源（02188），昨日雖然唔見有甚麼重大消息，但股價都在大成交配合下升逾7%至1.69元收市，真係弱市見強股。既然資金繼續追勢，大家記住唔好同錢鬥氣：無貨在手不妨小注怡情；有貨就當然唔好急，一於放長線釣大魚。