要數馬鞍山最平上車熱點，識得揀一定揀位於半山的居屋錦英苑，今年旺市時400萬元內放盤幾乎消失，惟近月樓市轉勢，業主態度明顯軟化，四球以下自由市場放盤大增，就連三房戶都買得到，至啱Budget有限又想「住大啲」的上車客。

錦英苑單位間隔四正。

錦英苑鄰近巴士總站，出入算方便。

錦英苑是區內規模較大的居屋屋苑，樓齡二十四年，10座住宅並排而建，地勢高，偏離港鐵站，外出搭港鐵或區內鬧市要駁程車，但換來清靜的居住環境。配套方面，屋苑設有小商場及街市，滿足居民日常生活所需，而旁邊設有巴士總站，對外交通尚算有選擇。

兩房最平嗌370萬

世紀21奇豐程子健表示，錦英苑向來是區內上車入門之選，近月市況不濟，陸續有業主讓步減價，現時400萬元內自由市場放盤已增至約10個，較年中最旺時只得一兩個盤，多了不少選擇。

他續說，最筍首選鄰近巴士總站的D座極低層戶，三房一浴室開則，實用面積553方呎，業主七月自由市場叫價450萬元，隨着股災爆發，叫價不斷下滑，最近更穿四球關口，減至390萬元求售，實用呎價7,052元，重返年初時價位。至於最平可揀B座中層兩房戶，自由市場價叫370萬元，較今年七月跌價近7%。