港股昨日表現牛皮，恒指收市微跌2點，報23,051點，主板成交回落至842億元。

咩叫「將錯就錯」，睇呢兩日兩地股市表現就知道。本來人行發放烏龍文章引發深港通炒風，澄清後兩市應該會回，點知大家都似乎「餓」得太耐，一於繼續炒！昨日內地券商股繼續受追捧，部分AH股亦有資金流入。睇嚟下月聯儲局議息前的一五年最後升浪已提前出現，但亦正因為升市來得有點人為，若然上大人真係有心主導股市行情向好，相信仲會有穩增長措施出台，不妨耐心靜候佳音！