雖然人行行長周小川評論深港通文章係舊文重刊誤會一場，但卻誤打誤撞做咗件好事，就係成功弄醒沉睡中的A股，滬綜指昨日繼續走高，全日高位見3,585點，收報3,522點，升63點，滬、深兩市成交達到1.37萬億人民幣，到底真係巧合，定抑或係上大人精心部署的升市重臨，如又屬人為牛市必定有破綻，不妨放長雙眼等着瞧！

不過，一向較為理性的港股，因為一份誤報文章而炒上23,000點後，顯得有點迷失方向，恒指昨日波幅僅約220點，收報23,051點，跌2點，成交縮減至842億元。深港通概念第一股平保（02318）升2.8%，成交達35億元；聯通（00762）母企A股漲停，股價受帶動升近6%。

講到深港通概念，其實比亞迪股份（01211）亦應該是核心之選。之不過，睇番幅走勢圖，近期股價在50元關前，好似未夠動力向上突破，若然掉頭失守10日線47.8元，有機會要先回試44至45元水平承接，始有力再試衝50元關。

打貪無損股市氣氛

再有國企高層被查，但股價就未見受影響。聽內地股友話，其實國企高層受查反而是吸納機會，皆因大國企唔會因為一名高層去留而受到太大影響，而且如今上大人好重視市場穩定，唔會容許打貪消息引致市況恐慌，所以，呢期愈係高調金融圈中打貪，則股市愈見安全喎！

昨日中糧包裝（00906）中途停牌，停牌前報4.6元，跌0.86%，通告指涉一名控制股東可能出售股權。翻查資料，中糧集團持有該股60.24%股權。到底潛在的股權變動是否涉及系內重組活動，不得而知。但母公司作為六家國企改革試點央企之一，系內公司有動作是遲早問題。

同系中糧控股（00606）昨日股價亦升1.6%，收報3.08元，重上3元樓上，近兩日成交亦有所增加，若系內公司真的傳來重組消息，相信中糧控股亦有條件炒番轉，目標上試250日線3.4元水平，失守2.95元止蝕。