將軍澳社區相對較新，不過受惠於完善的交通配套，又有消閒購物熱點及康體設施，講到住的確方便。今期Young Home主角是大專生Christina，她坦言想買樓都「知米貴」，想留守該區上車的話，轉移目標，挑選鄰近港鐵站的居屋未必無得揀。寶琳站附近的居屋英明苑，勝在出入方便，位置不比區內私樓遜色，自由市場入場門檻400萬元有盤揀，值得考慮。

將軍澳英明苑物業採新十字形設計，保養簇新。

Christina稱，想留守將軍澳置業，住近屋企人。

新都城中心屬區內消閒首選。

附近的寶翠公園不乏康體設施。

由屋苑步行至寶琳站不用十分鐘。

大專生Christina，在將軍澳區「扎根」多年，有固定生活圈，上車置業都想留守此區。「我住咗呢區好多年，慣咗去邊都方便，如果將來要買樓想住近屋企人。」她又稱：「其實我知道將軍澳啲樓好貴，如果開聲叫家人幫手畀首期佢哋會肯，而家想儲多啲錢都無從入手，點儲都好似儲唔到夠畀上車嘅首期。」

做兼職努力儲錢

Christina目前未有買股票投資，不過有做兼職，及有買儲蓄成份的保險幫手儲錢，將來想「平平哋」上車，「我哋唔介意揀公屋，不過一手公屋輪候時間比較長，二手居屋或者私樓都係最快捷方法，但揀私樓會好吃力，所以有二手居屋選擇都唔錯。」

將軍澳住宅供應多，不少鄰近港鐵站的屋苑更為值錢。同時，較平價的居屋選擇適合上車客。樓價相宜的會是港鐵寶琳站及坑口站一帶的居屋，英明苑是其中之一。

保養佳 社區配套齊

屋苑位置優越，僅離寶琳站兩個街口、不足十分鐘步程，出入便捷，方便程度不遜於同區的私人住宅。物業周邊配套亦見應有盡有，除了新都城大型商場，屋苑毗鄰寶林邨，有屋邨商場、體育館、寶翠公園、游泳池等康體設施，最啱Christina這些後生仔女的日常生活。

英明苑屬區內早期居屋，樓齡稍舊約二十六年，入場樓價較為低水，五座物業採新十字形設計，保養良好，兩房戶實用面積約400方呎，開則實用，長廳格局，擺位無太大難度。

放盤零星 價有商量

世紀21將軍澳分行經理魏仕良表示，英明苑交通便捷，二手成交不俗，不過買賣盤源一向偏少，可能平均每一至兩個月僅得1宗成交，近日有一個兩房戶以自由市場價400萬元易手。目前屋苑有3個自由市場放盤，因市況轉差，個別業主都「有價傾」，最平兩房戶開價400萬元起，算是貼價盤放售。