假期後復市的港股，交投冷清，全日恒指波幅僅142點，最終恒指跌143點，收22,845點，國指跌48點，收10,600點，兩個指數即市都曾經跌穿10日線支持，在動力不足下，十月初的升浪進入整固階段。

昨期指以22,750點開出後，主動沽盤唔多，好友重整旗鼓之後，逐步把期指推到22,876點保力加通道的短線阻力，之後全日時間都處於買賣兩閒的窄幅徘徊。現貨收市後，期指曾破早市高位，但見22,878點後已無以為繼，日市收22,844點，低水1點，成交8.5萬張。

連日陰陰乾悶局，手上好倉等唔到23,350點食胡，反而回到成本價22,820點水平，今次真正係有得食唔食，較失望是昨午後港股對A股低位反彈，表現冷淡，為安全起見，雖然恒指仲企穩10日線22,745點之上，假如失守，會先把手上好倉止蝕，再等機會。