大埔區綠化設施眾多，加上市中心旁有河流及海濱公園環繞，居住環境怡人。今期Young Home主角，就是區內居民Cathy，亦為「慳妹」一名，課餘時幫小朋友補習，外快賺的錢雖然不多，不過都會努力儲起，希望將來與家人一齊儲首期上車，又坦言為買樓可以減少旅行。Cathy想搬到大埔市中心居住，昌運中心樓價目前有低於400萬元筍盤，值得考慮。

大埔昌運中心提供約八百伙，全為兩房間隔。

Cathy表示，將來想搬到大埔市中心一帶居住。

大專生Cathy有幫小朋友補習，一周大概工作兩至三天，賺到數千元外快，幫補自己的零用錢。

她說：「雖然賺嘅兼職錢唔算多，不過我都有儲起至少一半，再加上屋企人有幫我做吓投資，我哋有買iBond，又會做吓啲人民幣外幣投資等等，我哋得閒經過啲地產代理舖面，都會留意下樓價，買樓時屋企人應該都會幫手一齊畀首期錢。」

減消費 家人料資助

Cathy又指，「平時日常生活我好慳架，無乜去旅行，買嘢只會買平嘢，希望讀完書出嚟工作可以儲多啲！」「慳妹」Cathy坦言，想搬到大埔市中心一帶居住，起居生活方便，交通配套完善，不愁無車出入市區。

因應Cathy的揀樓要求，市中心地帶，除了樓價較貴的指標私樓大埔中心，另可選擇位置相近，但價錢稍平的昌運中心。

全數兩房 出入方便

昌運中心屋苑規模細得多，僅得4座物業，樓齡約二十七年，有約800個單位。屋苑全為兩房間隔，實用面積普遍為300餘方呎，不設玄關位，部分兩房為呂字廳間隔，設計分明，適合用家或小家庭。

其實，市中心地帶最大的賣點是衣食住行都方便，大埔廣場對開有巴士總站，並有車通往觀塘、中環、尖沙咀、荃灣及旺角等地。另外，大埔超級城大型商場開設了不少連鎖店及食肆，若想平民一點，附近亦有細商場，可謂照顧周到。