內地股市昨日午後展攻勢，滬綜指升90點，收報3,170點，加上歐洲開市早段向好，大戶乘機挾淡倉，恒指一度衝到上21,400點樓上，收報21,259點，升675點，成交回升至826億元，國企指數亦夾上9,400點樓上。既然周初A股未有質穿3,000點，反手挾淡倉亦可理解，總算來一次較似樣的反彈。

A股精要

午後市況挾高，滬股通和港股通都見到有資金流入，算係少見。到底是否有長錢入市掃貨，抑或係大戶挾現貨等期指好倉食胡，再順道派發牛仔，等下周美國議息及A股股指期貨結算前後才殺落，就要等着瞧。

食品股中，相對於旺旺（00151）及康師傅（00322），次季以來統一企業（00220）的股價表現跑贏同業，皆因其股價在首季率先調整，由8元樓上質到穿5元。不過，八月初公司公布半年純利急升93%至6.86億元人民幣，毛利率上升5.3個百分點至37.8%，成功走出去年的低潮，故見股價扭轉弱勢。

雖然下半年宏觀景氣欠佳，但相信方便麵及飲料等消費品行業受影響有限，反而成本趨降有助改善毛利率。保守估計統一全年度業績可回復至一三年度的水平，盈利復甦概念為股價帶來支持。走勢上，次季以來，統一股價主要波幅介乎6.5至8元水平，可繼續在此區間炒上落。

申尚泰