隔晚美股回勇升619點，帶動昨日中港兩地股市都高開高收，但會唔會彈得一兩日再散就好難估，就以昨日滬綜指為例，午後一度倒跌，到尾市才急彈，不排除是人為升市。

股權追蹤 2015/8/27

恒指昨日高開678點後無力再上，兩點左右升幅一度收窄至327點，可幸滬綜指臨近尾市前抽穿三千點，帶動恒指最終升758點，收21,838點。

雖然以收市價計，昨日是本周初裂口下跌以來最高，但後市能否回補最近之裂口22,185點，才是後市關鍵。

另外，期指就繼續轉倉，即月期指日市有8.3萬張成交，未平倉合約6.2萬張，收21,795點；下月期指成交5.2萬張，睇落都轉得七七八八。國期日市收9,805點，升317點。

策略上，昨日開市國期未到開倉價，就算尾市一度抽穿9,800點，但臨近收市無謂冒險。至於今日期指結算，既然隨時轉角，不如睇吓國期衝唔衝到上一萬點先算。