「淡定姐」方健儀（Akina）曾任電視台首席記者兼新聞主播，成熟穩重的形象深入民心。她自去年十月回復自由身，工作範疇漸廣，近月更成為某日本物業投資公司的代言人，似乎有意進軍投資界。惟她笑言：「唔會啦，自己都唔熟，費事誤導人，哈哈」。

僅有一手港鐵股票

她直指自己是盞「明燈」，投資時「買乜跌乜」，最新一次買入歐元，現價已較入市價累跌逾一成。買股票又如何？「唔好睇我外表咁淡定，其實我好緊張，買咗股票會成日check價，所以都唔係好適合玩。好似港交所（00388）咁，最近幾個月股價上落都成100蚊，太誇張喇。」她目前唯一持有、卻早已被打入「冷宮」的股票，是爸爸在千禧年幫她認購的港鐵（00066）新股，僅得一手。

她認為自己投資運滯，故很少花心思研究，多年來甘願將「血汗錢」放進銀行儲蓄戶口，即使低息也不嫌棄。「我係好傳統嘅人，如果生活喺以前，應該係用罐儲起私己錢嘅『婆仔』。唯獨對定期存款同iBond心動，因為似乎比較穩陣。」

儲半份糧 成功上車

幸好，這位「婆仔」的另一半同樣超級保守，二人儲蓄多年，婚後於一○年以八成半按揭買入首個「安樂窩」。她回想，自己讀書時期已很節儉，出來工作每月儲起最少一半人工，「買樓基金」儲足十年終靠自己成功上車。「好彩父母一直有工作，家庭負擔唔算大，客觀條件容許我儲咁多。」反觀時下不少父母為兒女付首期，她認為問題不大，「最緊要之後嘅供款自己負擔得到」。

以自由身工作雖更有彈性和空間，但收入難免波動，個人理財更難掌握。不過，方健儀稱，其消費模式未有改變，儲錢能力依然未減，下一個目標是提前供斷現時的自住物業，然後細屋換大屋，買間可擁有Studio的Dream House。