由新聞界走到財經界，由四大會計師行走到私人銀行，現於新鴻基尊尚資本管理任職助理副總裁的女神級前新聞小花蔡雪瑩（Snowy），金融底子雖不算深厚，但說到個人投資理財，即急不及待要介紹其「無敵組合」，過去三年每年平均增長10至12%，基金、保險、債券、股票樣樣齊。

買點心債優質藍籌

她解釋：「之前跌市，大家都好緊張，但如果投資組合夠全面，（回報）就唔會咁易受大市升跌影響。」其每月人工扣除五成開支後，主要買入股票基金及十年期儲蓄保險作長線部署，已有投資則包括人民幣債券及優質藍籌股，主力收息。

如此穩陣的投資組合，建基於她本身傾向保守的投資取態，同時也多得背後為她出謀獻策兼落力管理的「股神」。「媽媽約五年前退休，報讀咗個投資課程後開始買股票，成為『師奶股神』，當然未至於好勁啦，哈哈。見佢投資回報平穩增長，自己又冇時間睇，咪畀三萬蚊佢幫我投資囉。所以我第一隻買嘅股票都係由佢操刀，買建行（00939），到依家都未沽。」

蔡雪瑩亦透露，往日身處新聞部工作，主播枱與財經枱相近，不時聽到該組同事大嗌相關消息，當中不乏股票「貼士」。當時她雖未大膽至貿然跟買，但亦有從中偷師，累積點滴。

趁跌市低吸A股ETF

至近日正式投身財金界，身邊圍繞的都是投資專家，自己有更多機會接觸和學習，所以正逐步接捧自己的投資部分。她稱，「依家會寧願拎啲錢去投資，覺得買嘢消費唔抵。其實好多股票我都係近期先買，例如之前跌市，我都有趁低吸納A股ETF（交易所買賣基金）。」

剛考取到證券牌的她表示，未來繼續以事業為重，努力「搲銀」，希望短期內可儲到人生首個百萬；最理想是十年內置業及組織家庭，做個事業、家庭、個人投資「三得意」的現代女性。