上周五滬綜指急挫7.4%，恒指及國指分別跌1.7%及2.8%，筆者覺得投資者已經算理性。四月大時代至今，港股狂升兩日後進入橫行市，反而同期滬綜指由4,000點升至5,178點今浪新高，A股大跌而港股不完全跟隨是預料之中。

股權追蹤 2015/6/26

上周五本欄建議如開市見27,050點樓上會順勢開淡，按計劃當然得個睇字，惟筆者見滬綜指無法完全回補即市下跌裂口再跌，也不理三七二十一沽了先算，結果成功捕捉到全日期指高低差距630點的過半幅度。

今日期指結算，從轉倉溢價收窄，反映好友轉倉唔錫價情況稍見收斂，大市走勢轉差不無關係，沽空佔大市成交比例升至約11%，挾淡籌碼多咗，本來一心想着今早會衝開好倉，但周六人行突然打混合拳托市，今日假如開得太高，例如26,950至27,100點之間，高追好倉又似乎值博率唔夠。