樓價日日升，年輕一代上車置業愈來愈艱難。不過，機會總是留給有準備的人，大專生Jason亦深明此道理，閒時積極搵兼職儲首期。他自言不是「大花筒」，加上懂得與家人作適量投資「錢揾錢」，深信可盡早圓置業夢，目標樓價400餘萬元的東九龍區居屋。Jason預算不多，不妨考慮藍田居屋康雅苑，現時最細單位自由市場價450萬元有貨揀，上車有得諗。

康雅苑自由市場樓價約450萬元起。

Jason預算不多，想買東九龍的居屋上車盤。

Jason理想Dream House

Jason上車錦囊

每月供款例子

由屋苑步行至港鐵站約十分鐘步程。

康雅苑鄰近體育館，康體設施足。

康雅苑自由市場成交

面對升到無譜的樓價，現讀大專旅遊相關科目的Jason未有怨天尤人，反而積極做Part-time搵錢，即使「兼職錢」每月只有幾千元，亦儲得幾多得幾多，相當「乖仔」。

努力兼職 家人助投資

他自言有留意樓市走向，並坦言「依家啲樓實在貴得緊要，但我仍然深信樓市終有一日會調整，待時機一到又儲夠首期便可上車。」

問到Jason有何上車計劃，他表示無全面的Planning，不過堅持靠自己與家人合力儲錢上車。他說：「雖然依家仲未上到車，不過會努力啲賺錢，做吓兼職，賺到錢會交畀家人投資，例如買股票增值咁，相信他們會幫我做合適的決定。」

Jason對上車居所要求簡單，最好因應將來的工作地區而揀選，現階段想留守九龍區，去港九新界均方便。他說：「如果想預算輕鬆點，我會揀東九龍的居屋上車，Budget大約400餘萬元，單位細一點也可，出入方便已經好足夠。」

靜中帶旺 物業保養佳

話雖如此，東九龍不少區域坐擁港鐵之便，即使是居屋樓價並不相宜，可向居屋集中地藍田「入手」，選擇較多。而經過小斜坡，坐落小山丘上的康雅苑，屬靜中帶旺之選，附近有屋苑商場，步行至港鐵站需時約十分鐘步程，物業保養企理。

和諧式設計 間隔靈活

康雅苑樓齡逾二十年，3座物業採和諧式設計，間隔較為靈活，最細單位可作開放式或一房間隔，寬敞見使，適合上車客揀選。康雅苑未必是最貼近港鐵站的居屋，惟出入仍便捷，加上鄰近屋邨商場及體育館，滿足日常生活所需。

放盤短缺 叫價進取

世紀21聯誠董事謝寶昭表示，藍田的居屋自由市場買賣一向貨源短缺，幾乎一放盤即賣，叫價愈見進取，細單位自由市場價普遍已漲至400餘萬元，而康雅苑現僅得一個自由市場單位放盤，實用面積438方呎的細戶，開價450萬元，屬最貼市價放盤。