大市爆升幅度驚人，不少市民趕緊開戶冀於升浪中吸金。致富證券投資銷售部董事郭家安指，「致富開戶量按月急增逾10倍，生意額亦上揚3至4倍，仲勁過○七年，其中上水、屯門、旺角及將軍澳分行特別旺場，連非旅遊區亦有內地客開戶，內地客佔整體新客戶兩至三成，因應客戶需求，除將軍澳分行七天營業外，更同步延長旺角分行營業時間，旨在緊貼市場脈搏。」

他透露，該行已落實再增添一間分行，屬恒常七天營業網點，最快於六月下旬開業，惟目前公司已有20個網點，暫未有再開店計劃。

另針對成交額飆升，該行已進行落盤系統提升，將節流量提升一倍，目前每秒可處理約100宗交易，確保客戶落盤順暢。

開講座教揀落後股

不少板塊月內累績升幅已多，該行未來將舉行較多關於挑選落後板塊的講座，而公司發言人鄧澤堂及莊志豪亦會親身到分行探訪客戶，帶同西餅為股友打氣，顧及市況變化愈趨急速，該行將於每日不同時段透過手機訊息傳送即市推介予客戶。

因應成交熾熱，「唔少客拎番陳年實貨落行做登記，希望翌日出貨，所以今個月有幾日，公司後勤要加班到凌晨一至兩點，而且因為開戶量大增，星期六、日都要番公司整理文件，好多同事中午買lunch，忙到傍晚六至七點收工先得閒食，連我都要出手接聽電話落盤。」

惟他直言：「同事等咗八年先再有大牛市出現，所以好把握機會賺錢，前線人員對『額外績效獎金』期望好高，近月獎金已到上限，相等於約半個月薪金，而且喺過去復活節，公司有30人一齊去台灣玩，聖誕節或者會再搞公司旅行等同事開心吓。」