新居屋日前完成攪珠,多區二手居屋市場受向隅客搵樓帶動,周六睇樓升溫,慈雲山慈愛苑及宏景花園,昨即錄向隅客入市個案。

慈雲山慈愛苑昨日錄新居屋向隅客入市個案。(資料圖片)

多區居屋屋苑睇樓量,自新居屋攪珠後首個周末均有升幅,包括馬鞍山、屯門、天水圍等,按周均升10至20%。粉嶺、東九龍區及樂富居屋屋苑更升近三成。富誠地產林栢榮稱,新居屋供應有限,不少向隅客擔心不少人會同時間流入市場「搶貨」,故爭取時間外出睇樓,期望盡早上車。

其中慈愛苑3期J座高層5室,實用面積650方呎,以第二市場價435萬元易手;另宏景花園6座中層H室,實用面積538方呎,亦以第二市場價420萬元售,兩宗成交的買家都是買新居屋無望而即時轉戰二手市場。另黃大仙竹園北邨12座低層3室,實用面積443方呎,亦以第二市場成交價188萬元易手。

太古城劈92萬甩貨

私人屋苑的二手市持續淡靜。其中,港島區十個大型屋苑昨日睇樓量都跌二至三成。中原關浚而稱,鰂魚涌太古城彩天閣中層A室,一月原叫價1,380萬元,其後逐步減價,至近日終以1,288萬元易手,累減達92萬元。