上周五舜宇光學（02382）裂口高開，升逾7%，以11.72元收市，14日RSI去番50邊，之不過仲未完全脫離去年十二月延伸至今的下降軌，若短線企得穩11個半，睇住12.8元先。

舜宇係智能手機照相模組供應商，內地對高像素相機鏡頭需求旺盛，加上車載鏡頭受海外客戶的歡迎，去年股價表現強勁。

睇番成績表，去年上半年收入增長37.7%至38.3億元人仔，純利增長30.5%至2.5億元人仔。根據其最新公布的營運數據，去年手機鏡頭及車載鏡頭出貨量分別增長1.2倍及五成，估計公司去年份成績表應該唔會走樣。

另一方面，花旗發表報告，話舜宇今年首季手機鏡頭出貨量大增五成，好過預期，預期今年1,300萬像素產品貢獻續增。公司下月十日將公布去年業績，該行預測純利增長29%至5.6億元人仔，營業額增長49%，雖然上半年手機鏡頭毛利率只有10.9%，不過相信下半年升至11.8%有改善，畀佢目標價15.3元。