上周五汽車股表現唔錯，長城汽車（02333）、華晨（01114）及吉汽（00175）升幅介乎0.9至5.2%，而筆者就較鍾情於吉汽。

吉汽一月銷量為58,884部，較去年同期增長76%及按月增長7%；其中一月出口3,845部，按年增長約2%。

集團持續有新車型推出成推動盈利增長的主因，「EC7」及「新帝豪」車型一月合併銷量24,588部，按年增約118%；而三款高毛利的運動型多用途車「GX7」、「SX7」及「GX9」銷量為7,675部，較去年同期增長約178%；至於新版本「遠景」轎車銷量至達11,656部，按月增約38%。綜合而言，集團今年銷售有個「好開始」，而管理層一五年銷量目標為450,000部，按現時走勢睇，似乎唔難達標。

新車銷售理想

事實上，集團近期新車銷情理想，除一洗去年因俄羅斯盧布匯價貶值而需發盈警的頹風外，亦使投資者重估內地自主品牌汽車股的前景，加上集團剛獲中國銀監批准，與法國巴黎銀行個人金融開展籌備組建合資公司，未來將開展批發及零售融資業務，有望成為新的盈利來源，股價只要守穩3元關，有貨亦唔怕揸，目標睇去年十一月高位3.68元。