隔晚華爾街股市急挫，道指曾跌390點，最後跌291點，收17,387點。不過，在開市前新加坡金管局調低通脹預期，並宣布降低未來匯率政策斜率，加入貨幣戰爭之後，昨日早市市場似乎對外圍的種種因素，唔係太識反應，港股也再一次呈意外的抗跌力。

恆指期貨走勢

恒指昨日以24,799點開出後，早市很快在24,716點搵到支持，之後收復失地，最高見過24,983點，見兩萬五點關口阻力大，尾市指數從高位回落，收市升54點，報24,861點，大市主板成交縮減至803億元。

昨日恒指基本上在周二的即市波幅內整固，然而以美股的跌幅來說，其實港股表現比筆者預期更好，即月期指與現貨一樣，很早在24,716點及24,721點營造短線雙底後，午市最高攻上25,002點，在未能成功突破周二早市高位25,020點後，才見好友放軟手腳。

到底應跌唔跌，真係港股吸引到大孖沙炒落後，抑或純粹結算前，大戶趁現貨成交轉弱，先托住一月期指享受高位結算，應該好快會有答案。

周二平倉後，暫時無貨在手，筆者也想先看看期指測試24,650點附近，確認有足夠支持才再買。