魚缸Blogger：英皇鐘錶異動可吼

英皇鐘錶主要銷售歐洲製國際品牌名貴腕錶，以及旗下自家品牌「英皇」高級珠寶首飾，截至六月底止，公司擁有80間零售店，遍布港澳兩地、中國及新加坡。上半年收入倒退6.9%至30.6億元，來自本港的收入佔比為83%，純利倒退33%至1億元，原因係租金壓力上升。

不過，由於價格環境轉趨穩定，同埋多個鐘錶品牌上調售價，所以公司毛利率由24.2%升至25.1%。另外，英皇鐘錶專吼黃金零售地段開店，期內三間具標誌性的新店已於廣東道1881 Heritage開業，此舉有助擴大品牌效應、提升盈利能力。

如果睇圖，股價昨以大陽燭兼大成交收復多條平均線，只係仲差250日線0.5元，睇嚟近一個月波幅區間0.33至0.38元築底成功，短線應該有力再升多浸，守住100日線0.42元的話，有勢再戰尋日即市高位0.51元。