活化政策「炒起」工廈,舊區工廈有價有市。由「舖王」鄧成波所持有嘅觀塘興業街4號工廈活化成全幢商舖嘅項目,以意向價約9.6億元放售,呎價約莫一萬元。由購入物業到依家五年時間,足足升值咗4.3倍,活化工廈政策完全抵銷咗雙倍印花稅(DSD)嘅影響。

戴德梁行葉健均表示,現放售的興業街4號為投資者鄧成波於五年前以逾億元購入。

近年部分活化工廈升值情況

金朝陽陳慧苓(左)稱,金朝陽中心二期MIDTOWN租務理想。

戴德梁行投資及顧問服務部董事葉健均同劉Sir講,佢哋獨家代理波叔嘅興業街4號活化項目,全幢物業會做零售及食肆用途,意向價約9.6億元。

佢又話,其實呢幢物業前身喺長江電子大廈,樓高12層,全幢總建築面積約96,127方呎,其中1至3樓每層面積約9,000方呎,3樓以上每層面積約7,000方呎,該廈共有7部電梯。

劉Sir睇返啲舊資料,發現其實呢幢工廈喺五年前由波叔以約莫1.8億元買入,如果用意向價計,五年間就升值咗4.3倍咁多,真係賺唔少。

樓上舖預計呎租$30

該行葉均盛話,項目嘅裝修費用咗差唔多一億元,預計樓上舖嘅呎租大約28至30元。

其實係一二年推出活化政策後,的確激起一股「炒工廈潮」,就好似前排基金鵬基資產就以約莫16億元,賣咗觀塘全幢活化做商廈嘅項目KOHO比新世界(00017),但其實嗰基金一三年只係用咗約9.8億元買入,短短一年幾時間升值63%。

再睇返推出活化政策之前,基金喺○六年以約9,800萬元買入葵涌和宜合道119號工廈,去到一二年就以約2.1億元賣咗畀遠東發展(00035)等,六年間升值超過1.1倍。

MIDTOWN出租率逾80%

其實市區舊樓重建後價值更高,金朝陽(00878)旗下銅鑼灣登龍街金朝陽中心二期MIDTOWN銀座式商廈,佢地執行董事陳慧苓話,已經租出咗21層,整體出租率逾80%,如果全部樓層租出,每年租金收入將超過一億元。

近排商廈好旺,中原蔡德寶話灣仔安盛中心22樓全層,面積逾1.48萬方呎,以約2.43億元沽出,呎價逾1.63萬元。