上周推介過嘅粵海制革（01058），上周五股價高見0.83元，就快見番一年高位0.86元，今次睇埋另一隻同系粵海投資（00270），同日升近1%，收報10.8元，即市明顯見到創咗一年高位11.8元之後獲利盤唔少，但見佢喺港股通名單入面，只要守住10蚊關，股價仲有得上，阻力位12蚊。

粵投首三季純利增長3.9%至36.9億元，原因係物業投資及發展、水資源及發電業務貢獻增加。期內對本港供水收入增加5.7%至32.3億元，對深圳及東莞地區供水收入增加5.1%至9億元，反映廣東省食水需求持續增加。

好似近日公司同港府的新供水協議，未來三年水價加幅均逾6%，高過預期的3至4%。九月公布擬向中國水業（01129）收購中超投資七成股權，同既有業務產生協同效應。另外，美銀美林出報告叫人買，話佢將保持或加快收購廣東省供水工程步伐，同時減低財務成本，以提高股本回報率，公司獲得四個污水處理項目及一個供水項目，料明年帶來10%的內部收益率。