連跌四日之港股，昨日高開後偏軟，恒指即市最低落過23,623點，與周三低位一點不差，即市跌穿上移至23,659點的10日線，收市報23,649點，跌46點，主板成交縮減至583億元，即月期指日市收23,652點，成交得3.47萬張。

恆指期貨走勢

昨日的建議，是看上星期於23,570至23,699點留低的上升裂口，尚未補回的23,570至23,615點部分，看看即市指數一旦回試後的表現，例如直插不彈，抑或立即單日轉向來定去留，結果昨日恒指落到周三低位再跌唔落，畀唔到短炒客半點啟示，在23,610點開的好倉，會繼續以此定去留。

港股短期不明朗因素，主要來自佔領活動以怎樣的形式結束，及滬港通煞停後會否出現轉機？在下無水晶球去猜第一個答案，可是關於滬港通，整個十月AH股差價有再擴闊迹象，恒生AH股溢價指數由101.74跌至95.11。

然而，近幾日港股調整，A股企硬，使指數回到99.02，意味差價不到1%。到底係內地股民預視滬港通短期內有下文，抑或賭人行放水？然而無論邊一個消息，都有利港股轉強，也是筆者唔敢睇得太淡，更加唔建議做淡的主因。