魚缸Blogger：保興小注跟炒

其實保興前身叫「北京御生堂」，公司長期虧損，一二年底改名，當年以1億元賣咗藥業業務，集中火力發展餘下供應及採購、融資及證券業務。去年收入增長八成至13.6億元，錄得純利4.1億元，前年則蝕6,092萬元，業績明顯大躍進。睇番原因，主要受惠內地經濟持續增長，期內公司供應及採購業務銷量增加、融資業務產生額外經營溢利，同埋錄得重大證券投資收益。

保興的供應及採購業務，主打金屬礦物、可循環再用金屬材料及木材，去年分部收入及溢利分別增長八成及六成，至13.5億元及2,358萬元，而功勞係佢成功擴大業務供應商及客戶基礎。值得一提係公司揸住中國微電子（00139）同HEC Capital，估計HEC可以為佢帶嚟更大資本增值。至於融資業務及證券投資業務，去年齊齊扭虧為盈，分別轉賺1,110萬元及4.1億元。