近年屯門成為住宅地皮供應重點地區之一，其中屯門第4區景秀里限量地將於本周五截標，項目規模唔細，可以提供到至少735個住宅單位。由於沒有商業樓面，相信地價無上次同區仁政街咁高，但勝在交通配套唔錯，市場預期截標反應唔會太差，估計成交價介乎約7.61億至14.27億元。

屯門第4區景秀里限量地將於本周五截標。

屯門六幅地皮先後應市

高緯環球張翹楚看好景秀里限量地截標反應。

政府積極在屯門區搵新土地供應，今年已先後批出五幅屯門地皮，由於地皮性質有別，地價亦較為參差。

其中八月份批出的屯門仁政街商住地，以及樂翠街洋房地皮，分別以逾4.27億及逾1.56億元批出，樓面呎價5,307及11,599元，分別創區內分層住宅及新界西北洋房地價新高。

屯門地年內推六幅

不過，今年五月批出的井財街限量地、以及二月份批出的良德街，以及震寰路與良德街交界限量地，由於該三幅限量地位置較偏遠，以最大商業樓面計算，成交樓面呎價最高僅約2,517元，其中井財街地皮樓面呎價更只約1,530元，創區內歷來呎價最低地皮。

至於今個禮拜截標嘅屯門第4區景秀里限量地，係今年推出嘅第6幅屯門地皮，屬於純住宅發展用途。

該地皮佔地都唔細，有約11.89萬方呎，提供約47.57萬方呎樓面，須興建至少735伙，市場估值由約7.61億元至14.27億元，平均每方呎樓面地價約1,600至3,000元。

景觀較差 交通搭夠

高緯環球大中華區評值諮詢部董事張翹楚同劉Sir講，今次幅地皮無商業元素，附近又有污水廠，而且景觀較差，但勝在交通方便，同西鐵兆康站相距唔遠，預期反應不會太差，估計該幅地每方呎樓面地價約2,500元。

至於理想城市企業估值部主管張聖典就睇得淡啲，佢認為地皮鄰近斜坡同危險品儲存設施，相信會對發展商出價帶嚟影響，預計樓面呎價只係約1,600元，折合估值僅得約7.61億元，係市場下限價。

劉Sir覺得屯門景秀里幅地算夠大，發展布局都好有彈性，適合中小型同大型發展商胃口。