四月以來，廈門港務（03378）走勢非常之「弗」，股價係咁破頂，現價14日RSI（69）有上升動力，全部平均線趨勢向上，守住20日線1.94元，跟炒上望2.3元。

廈門港務係廈門最大港口碼頭運營商，亦係唯一在廈門提供全面配套港口增值服務的公司，未來將繼續推進資源整合，如優化碼頭泊位功能布局及航線調配、加快作為東渡港區業務臨時搬遷地的國貿碼頭之相關設備及設施改造等。去年營業額增長四成半至28.3億元人仔，純利增長四成至1.9億元人仔，原因係佢同廈門市土地發展中心若干土地收儲及資產收儲交易產生收益，同埋整體營商環境改善。

由於公司擴大貿易業務規模，增加嵩嶼、象嶼、國貿及新海4個新碼頭，同時廈門港貨物吞吐量上升，令到期內商品貿易業務、集裝箱裝卸及儲存業務，以及港口配套增值服務收入分別增長73.5%、34.3%及26.5%。

八月暴炒妹推介呢隻股時睇1.7元（昨收報2.13元），仲話過佢嘅資產重組方案落實只係時間問題，畏高的話，可以等到回調兩蚊邊先再考慮。