尖沙咀雖屬本港傳統購物旺區，但不少知名街道的街頭街尾人流分別可以很大，部分街道末段更持續出現長期吉舖情況。其中加連威老道由於只有街道頭段有零星藥房及化妝品店吸引個人遊旅客，街道末段及嘉蘭圍一帶，竟出現至少10間吉舖，個別吉舖空置約三年，叫租一直企硬每月15萬元。

街頭街尾人流天與地

近年加連威老道街道頭段引入內地人喜愛的珠寶店及連鎖化妝品店，但仍無助整條街道的零售舖市，街道末段及其橫街吉舖明顯增加。

在該街道經營逾三十年的商戶陳先生表示，過去數年街舖業主企硬不減租，街道後段吉舖多，直言「同一條街，街頭街尾兩個境況」，街道頭段近加拿分道位置人流暢旺，惟末段位置「人流極少，冇生意」，他又指「條街浸死咗好多商戶」。

他指出，街道末段位置吉舖業主大多為單頭業主，但過去數年都不約而同寧願空置舖位，都不願以低價租出舖位。

他稱：「你睇吓啲吉舖招紙厚度同埋閘門生銹情況，就知道個舖位吉咗幾耐啦。」陳氏續稱，其舖位旁有一個吉舖空置約三年，叫租企硬每月15萬元。

港置至尊旺舖助理營業董事許諾謙透露，該空置約三年的地舖由一投資者持有，叫租強硬，該舖建築面積約1,000方呎，許氏指，加連威老道末段位置「食唔到個人遊條水」，位置太遠，如「掘頭路」，沿街道末段繼續向前走，沒有一間吸引的商戶。