去年底上市嘅中國先鋒醫藥(01345),雖然曾經跌穿過招股價4.1元,但自從交咗第一份靚仔嘅成績表,股價係咁破頂,上周五再升4.8%,以接近全日高位6.01元收市,短線回調若唔跌穿10日線5.6元的話,跟炒上望6.6元。

先鋒醫藥主要在中國為進口醫藥產品及醫療器械提供綜合性營銷、推廣及渠道管理服務。公司上半年收入增長34%至7.3億元(人民幣.下同),純利增長22.5%至1.3億元,但扣除以政府補助形式的稅收返還影響,實際增長近八成,毛利率32.7%,原因係加大產品推廣力度、增加醫院及藥店推廣工作。

另外,佔比較重的兩大品牌為「愛爾康」同「戴芬」,先鋒醫藥除與前者繼續深化關係外,另亦為後者進行銷售渠道整合,將為公司帶來長遠價值。至於未來發展,先鋒醫藥積極優化產品組合,好似今年便與新加波BioMers、美國Life Spine合作,將分別引入其牙科產品、骨科器械,市場潛力具憧憬。

先鋒醫藥(01345)

阻力位:6.6元

支持位:5.4元