有消息指日本股神徒弟率隊來港物色投資機會，而考察團行程包括與三間上市公司見面，其中一間就係中國天然氣（00931），加上隻股將於周三派成績表，近日股價終於突破橫行阻力，尋日急升6%至0.88元，不妨吼位跟炒一轉。
前身叫「宏通集團」嘅中國天然氣，今年六月先至改名，用新名旨在反映未來發展方向。為咗拓展天然氣業務同增加營運資金，六月向匯多利（00607）大股東賣咗本金8,000萬元的可換股債券，帶挈公司勁賺3億元。同時，由於持作買賣投資的已變現及未變現收益，以及出售可換股債券，公司預期截至六月底止六個月錄得稅後純利2.8億元，去年同期則蝕995萬元。
查實自一三年起，中國天然氣已積極與內地各省政府磋商，而最新乃於七月與國企徐州工程訂立戰略合作框架協議，擬在江蘇省徐州市發展液化天然氣（LNG）業務，購買LNG工程機械車輛等，相信其他合作陸續有來。
中國天然氣（00931）
阻力位：1.0元
支持位：0.8元
暴炒妹
| 租／售 | 租 售 |  |
| 樓盤由squarefoot.com.hk提供 | ||
