魚缸Blogger：康臣葯業盈喜帶動

三月創咗上市高位6.85元嘅康臣葯業（01681），近呢幾個月股價展開跌勢，尋日大摩出報告唱好，話佢有七至八成機會於未來六十日內上升，皆因可受惠於盈喜同估值低過同業，卒之尋日出現報復式反彈，即市一度抽升22%，高見6.79元，可惜之後腳軟，以5.79元收市，只係升得4.3%。

康臣於去年底以4.36元上市，主打現代中成藥及醫用成像對比劑的研究、製造及營銷。公司啱啱發盈喜，預期截至六月底止六個月純利將比去年大幅增長，原因係期內腎病藥物、成像對比劑及其他藥物銷售增逾三成，同埋招股款項存放銀行利息收入1,200萬元人仔。

睇番去年份成績表，收入增長24.9%至5.7億元人仔，純利增長12.2%至1.5億元人仔，毛利率亦由75.7%升至79.1%，期內生力軍產品「益腎化濕顆粒」銷售大增77.6%。隨住公司加大投放基礎設施、研發新產品、擴大分銷網絡等，相信年度業績有保證。