上周五美股休市，昨日港股基本上延續高位整固格局，消化上周中的急升，大市全日波幅157點，恒指收市跌5點，報23,540點，主板成交縮至482億元。即月期指日市收23,539點，較合理值低水5點，僅得3萬張成交。國指及國期分別收報10,487點及10,477點。

恒指期貨走勢

恒指已經一連四日收於23,531至23,549的十多點子範圍內，可見唔單止即市波幅窄，好淡雙方同樣唔急於在現水平展開攻勢，常言道升市莫估頂，按大市由五月的21,680點起步至今，期指客就算唔持倉過市，暫時也不宜貿然估頂試沽，始終港匯企住7.7503，貼近強方兌換保證，持續強勢反映港元區資金充裕情況未變，形勢上稍有利於好友。

上星期在23,500點破位追買的期指好倉，暫會繼續持貨等收成，筆者情願以較低張數持倉，將可承受的止蝕位稍為降低，也不願在靜市下全力入市，把止蝕訂得太貼價。

好友會否趁熊證街貨量漸增，推多三、四百點殺淡友一個措手不及？展望今個星期，較大機會使市況出現轉變是周三、四內地公布的通脹及出口數據，期指客要密切留意。