魚缸Blogger：寶勝國際乘勢炒上

尋日寶勝國際（03813）逆市爆升7.2%，收報0.52元，個半月股價累積升幅近七成，技術上已進入超買區，食住FIFA狂熱，唔畏高可小注博見6毫子。

寶勝主要代理銷售國際體育用品品牌如Nike及Adidas產品，以及為內地體育用品品牌如李寧（02331）及361度（01361）生產OEM或ODM產品，去年虧損縮至3,867萬元（美元．下同），原因係期內零售業務增長6.4%，抵銷咗品牌代理及製造業務銷售減少的影響。另外，去年底公司以6,286萬元人仔，轉讓貢獻唔大嘅鞋類製造業務畀主要股東裕元集團（00551），旨在精簡兼專注鞋類零售及經銷業務。

至於今年，遇上世界盃盛事刺激體育用品需求，公司頭五個月收益增長9.3%，至8.2億元，單睇五月就增長10.8%至1.6億元，銷售較過去兩年明顯有改善，唔排除全年虧損可進一步收窄，甚至可以扭虧為盈。