上周聯邦制藥（03933）派成績表，股價踩油一口氣收復多條平均線，短線守得住10日線4.17元的話，14日RSI仲有上升動力，先睇一年高位5.08元。

雖然聯邦制藥去年純利倒退七成至4,803萬元，原因係可換股債券嵌入式衍生工具公允值收益減少，同埋成都廠的生產合併至內蒙古廠，而須撇銷成都廠所有生產設施。但兩項都係非現金項目，所以唔會影響資金流動性，股價表現亦都反映出市場反應正面。期內中間體產品6-APA售價谷底回升，至今年初亦保持增長勢頭，另公司持續擴大製劑產品業務，甘精胰島素進入生產報批階段，仲係首間拎到仿製鹽酸美金剛系列產品生產批件的藥廠，發展重上軌道。

聯邦制藥（03933）

阻力位：5.08元

支持位：4.00元